ФФМ одржа редовно собрание

Фудбалската федерација на Македонија денеска го одржа Редовното Генерално Собрание за 2018 година. На Генералното Собранието е усвоен финансискиот извештај и завршната сметка за 2017 година, извештајот од претседателот и Управниот одбор на ФФМ, извештајот од Надзорниот одбор, извештајот од независниот ревизор и буџетот за 2018 година. Највисокото тело на Федерацијата го усвои предлогот за вонредно ублажување на изречените казни на фудбалерите кои играа за Металург Виктор Анфглов, Стефан Јефтовски, Филип Ристовски и Дејан Додевски, претседател на КМФ Биџо.

Во своето обраќање претседателот на Фудбалската федерација на Македонија, Илчо Ѓорѓиоски истакна задоволство од резултатите постигнати минатата година и уверување дека во тој правец ќе се продолжи за понатамошен развој на македонскиот фудбал.

Генералното Изборно Собрание на ФФМ го следеа високите претставници на УЕФА, Зоран Лаковиќ, директор на Национални асоцијации на УЕФА и Давор Шукер, Член на Извршниот комитет на УЕФА.