Европската титула за Франција

Репрезентацијата на Франција е новиот одбојкарски шампион откако синоќа во финалето во Софија ја совлада Словенија со 3:0 во сетови.

 

Словенија исто така направи историски резултат бидејќи ова е прво сребро за нив во одбојката.

 

Самиот финален натпревар донесе голема неизвесност пред се во вториот и во третиот сет, кои Франција ги доби со 29:27, а во првиот беше 25:19. Во натпреварот за 3.место во дуелот на ко-домаќините (Европското првенство се играше во Бугарија и во Италија) Италија славеше победа над Бугарија со 3:1 во сетови (25:20; 25:14; 23:25 и 25:20).

 

Признанието МВП (најкорисен) играч на шампионатот го доби Антонин Рузие од Франција.

 

Седумте првопласирани селекции од шампионатот (Франција, Словенија, Италија, Бугарија, Полска, Русија и Србија) изборија директен пласман на следното Европско првенство што ќе се одржи во Полска во 2017 година.