Евакуирани три терминали од бриселскиот аеродром по откриен сомнителен багаж

Три терминали на белгискиот национален аеродром „Завентем“ попладнево беа евакуирани откако полицијата откри сомнителен багаж.

Белгиските медиуми наведуваат дека аеродромските служби потврдиле дека полицијата открила „сомнителен багаж“ во салата за поаѓање и одлучила да евакуира поширок параметар на трите терминали.

Медиумите додаваат дека патниците од терминалот биле преместени пред зградата на аеродромот, а службата за отстранување и уништување експлозиви е на пат кон аеродромот.