Ерменците демантираат „местенка“ со Албанија

Репрезентативците на Ерменија ги отфрлија обвинувањата на претседателот на Фудбалската федерација, Рубен Хајрапетјан, дека го наместиле квалификацискиот натпревар против Албанија во Ереван (0:3).

 

Албанските медиуми, по мечот кој се одигра на 11.октомври, пишуваа дека тројца играчи од одбраната и голманот, поделиле сума од два милиони евра, како би и помогнале на Албанија да се пласира на Европското првенство.

 

Минатата недела првиот човек на Фудбалската федерација на Ерменија на прес конференција, го обвини фудбалерите дека не сакале да играат, нарекувајќи го предавници.

 

„И да го имавме најдобриот селектор во светот повоторно ќе загубевме“, рекол Хајрапетјан.

 

Сепак, осуммина клучни играчи на репрезентацијата, на чело со најголемата ѕвезда, Хенрик Мхитаријан, ги демантираа тврдењата Хајрапетјан, контроверзен бизнисмен, против кого неодамна протестираа навивачите барајќи негова оставка.

 

„Гласините и шпекулациите во врска со натпреварот против Албанија се невистините. Во целост му веруваме на секој соиграч од националниот тим, а обидот да се најдат предавници нема да донесе ништо добро. Веруваме дека сите репрезентативци го делат нашето мислење. Секогаш игравме за доброто на репрезентацијата, понекогаш ставајќи го на коцка и сопственото здравје, а често и клупските кариери“, се наведува во писмото, во кое се бара и оставка од претседателот Хајрапетјан.

 

Инаку, по протестите на навивачката група „Прв ерменски фронт“, претседателот имал средба со втората најбројна навивачка група „Црвени орли“.

 

„Никогаш не сум рекол дека натпреварот е наместен, туку дека во националниот тим се случи предавство. Не можам да кажам дека мечот со Албанија беше наместен, но ќе сторам се да го решам овој проблем“, рекол Хајрапетјан најавувајќи состанок со репрезентативците на почетокот на наредната година.