Еден повреден во сообраќајка кај надвозникот кај Мрзенци

Едно лице е полесно повредено во сообраќајна несреќа што се случила кај надвозникот во село Мрзенци, на автопатот А1 Скопје-Гевгелија. Сообраќајот на оваа делница се пренасочува, потврдија од СВР Струмица. 

Портпаролката на СВР Струмица Хризантема Рендевска, информираше дека лицето Д.Т. (1989) е полесно повредено во сообраќајна несреќа меѓу две возила на автопатот. Повреденото лице е пренесено во гевгелиската болница.

- Нема застој во сообраќајот, рече Рендевска и додаде дека за краток период сообраќајот ќе биде целосно нормализиран.