Двете млади лица кои починаа од Ковид-19 имале по неколку дијагнози

Според последите информации на Министерството за здравство со Ковид-19 се заразиле 389 лица, а починале 18 пациенти, од кои најмладиот имал само 35 години.

- Во текот на изминатите 24 часа регистрирани се 18починати лица: 7 починати лица од Скопје (92г, 90г, 88г, 76г, 72г, 70г и 35г), по 2 починати лица од Валандово (70г и 64г), Кавадарци (74г и 71г), Крива Паланка (88г и 78г), и по едно починато лице од Куманово (62г), Струмица (78г), Свети Николе (86г), Велес (66г) и Тетово (49). Одпријавените сите лица се починати во болнички услови, информираат од МЗ.

Според информации од МЗ, во однос на 35 годишното починато лице од Скопје, истото е со дијагноза Sy anxyosum, Obesitas, HTA и шизотипно растројство, додека пак 49 годишното починато лице од Тетово е со дијагноза HTA и St post Tromboflebitis, пациентката била на антикоагулантна терапија.