Дибала повторно се повреди

Рома успеа да ремизира со играч помалку против Порто во првиот натпревар од осминафиналето на Лигата на Европа, но остана без важен играч.

Пауло Дибала повторно се повреди. Аргентинскиот фудбалер мораше да ја напушти играта во 39. минута од ремито на неговиот тим со португалскиот тим (1:1).

Причина за ова е потенцијално нова повреда на коленото која Дибала ја заработи во текот на првото полувреме. Тој продолжи да игра по еден дуел, но мораше да замине неколку минути подоцна.

Речиси и да нема сезона од 2016 година кога поради разни повреди талентираниот Аргентинец не пропуштил барем месец-два.

Дибала се пресели од Палермо во Јувентус во 2015 година. Тој одигра седум сезони во „црно-белиот“ дрес, а потоа се пресели во Рома.

Аргентинецот на 30 натпревари во сите натпреварувања оваа сезона постигна шест гола и додаде три асистенции.