Ден за високи гости на „Македонски Блесок-12“

Во рамки на воената вежба „Македонски Блесок-12” на Армискиот полигон (АП) ,,Криволак“ денеска ќе се реализира програма за Денот за високи гости.

Според програмата, на Денот за високи гости  припадниците на декларираната ренџерска чета ќе изведат показна вежба со боево гаѓање: „Ренџерски вод во реакција и извлекување од контакт“, на која ќе ја демонстрираат својата обученост и извежбаност, соопшти Министерството за одбрана.

Оценувањето на ренџерска чета на вежбата ,,Македонски Блесок-12” се реализирa согласно Концептот за оперативни способности на НАТО (ОСС), а го спроведе оценувачки тим од различни команди на НАТО.

На Денот за високи гости е најавено присуство на началникот на ГШ на АРМ, генерал-потполковник Методија Величковски, државниот секретар во Министерството за одбрана, Елизабета Чуповска Ристова, генерали од АРМ, воените аташеа акредитирани во Македонија, команданти на единиците на АРМ и други високи гости од МО и ГШ на АРМ.