Член на ИД со германско и турско државјанство осуден за тероризам

Судот во Дизелдорф го осуди на шест години и девет месеци затвор 23-годишниот Керим Марк Б. за членство во терористичка организација, јави германската новинска агенција ДПА, пренесува дописникот на МИА од Берлин.

Осудениот кој во Сирија се борел под военото име Абу Зулфиќар бил дел од терористичката организација „Исламска држава“ на сирискиот фронт заминал во 2013 година каде што останал до јануари годинава кога бил уапсен во Турција по што во март бил префрлен во Германија.

Припадникот на ИД е роден во Дортмунд но поседува двојно, германско и турско државјанство.

Керим Марк Б. пред судот признал дека се придружил на ИД каде извршувал борбени дејствија и искажал лојалност кон лидерот на исламскиот калифат Абу Бакр ал Багдади.