Честитка од пратеничката група на ВМРО-ДПМНЕ за празникот Водици

Пратеничката група на ВМРО-ДПМНЕ на сите православни христијани им го честита големиот празник Богојавление Христово - Водици.

- Одбележувајќи го овој голем празник ние го славиме нашето духовно раѓање. Радувајќи се на Христовото крштевање и осветувајќи ги македонските води ја продолжуваме и чуваме традицијата на нашите предци и ја потврдуваме вербата и почитувањето на традиционалните вредности, стои во честитката.

Светлината на големиот празник Богојавление Христово - Водици со својата духовност, значење и традиција, како што е нагласено во честитката од пратеничката група на ВМРО-ДПМНЕ, отсекогаш претставувал еден од најголемите, најубавите и најрадосните празници во нашето православие кој треба да ни го осветли патот и да не научи заеднички да се радуваме, да живееме и да работиме бидејќи само така ќе ја постигнеме нашата цел, а тоа е успешна, силна и модерна Македонија.

- Негувајќи ја традицијата и духовното наследство, ќе имаме сила и верба заедно да ги издржиме секојдневните предизвици и искушенија, заедно да се радуваме на успесите, но и заедно да се бориме и работиме за нашата единствена и заедничка цел, а тоа е толеранција, разбирање и обединување на сите граѓани на Република Македонија, се вели во честитката.

Пратениците од пратеничката група на ВМРО-ДПМНЕ на верниците од православна христијанска вероисповед посакуваат овој голем ден да донесе радост, топлина, мир и спокој во секој дом, како и почитувување на вистинските христијански вредности.