Чешката армија купува осум израелски радари

Чешкото Министерство за одбрана соопшти дека одлучило да купи осум радари за потребите на армијата, кои се произведени во Израел.

Министерот за одбрана Мартин Стропницки изјави дека армијата ќе плати 114 милиони долари за осум радари „ЕЛМ 20864 ММР“, произведени од израелската државна компанија ИАИ Елта. Овој тип на радари е користен во израелскиот систем за противракетна одбрана „Железна купола“.

Радарите ќе бидат доставени во периодот од 2019 до 2021 година и ќе ги заменат старите од советско производство.

Стропницки истакна дека новите системи ќе помогнат за безбедност на воздушното пространство на земјата на височина од 100 до 3.000 метри.