Чарлиевите ангели во 2019 година се враќаат на големиот екран

Ѕвездата на филмовите „Pitch Perfect“ и „The Hunger Games“, Елизабет Банкс ги враќа Чарлиевите ангели на големиот екран во нов филм. Премиерата е закажана за 7 јуни во 2019 година, потврдено е од Сони.

Во изворната ТВ серија која се емитуваше од 1976 до 1981 година, глумеа Фара Фосет- Мајорс, Черил Лад, Кејт Џексон и Танаја Робертс.

Во двата успешни филма во 2000-те години играа Камерон Дијаз, Луси Лу и Дру Беримур. Меѓутоа, ТВ серијата, на ABC во која глумеа Минки Кели, Рејчел Тејлор и Ени Лонзи беше укината по само четири епизоди.

За сега не е познато кој ќе глуми во новиот филм.