Бура во Калифорнија предизвика хаос, илјадници жители останаа без струја

Илјадници граѓани на Калифорнија останаа без електрична енергија по бурата која го зафати северниот дел на земјата. Службите се обидуваат да ги поправат дефектите и да го расчистат теренот, откако електрични столбови беа урнати од силниот ветар и предизвикаа привремена блокада на патиштата.

Поради силниот ветер и соборените дрвја, околу 90.000 жители на Сакраменто останаа без струја во неделата навечер, додека населението во Орегон и Вашингтон и натаму нема електрична енергија. Од тие причини властите го затворија автопатот од калифорнија кон Невада.

Националната метеорлошка служба издаде предупредување за бура за областа Сиера Невада, наведувајќи дека снегот и маглата ја отежнуваат видливоста.

Нов налет на снежна бура се очекува денеска попладне, но метеоролозите велат дека ќе биде со послаб интензитет.