Андоновски: СДСМ ги злоупотребува инспекциските служби

Опозициската ВМРО-ДПМНЕ го обвинува СДСМ дека ги злоупотребува инспекциските служби за партиски цели и оти врши притисок врз фирмите.

- Неполни недела дена од затворањето култните локали „Палма“ и „Тренд“ во Аеродром, инспекцијата под команда на Сања Лукаревска и нејзиниот пријател Стефан Богоев, го затвори и познатиот локал „Броз Кафе“. Ова е класичен удар врз фирмите и угостителите, и е пример за политичка тортура, рече на прес-конференција Стефан Андоновски од ВМРО-ДПМНЕ. 

Според него, СДСМ не го исполниле ветувањето од изборната програма дека превенцијата ќе биде темелот на казнената политика и оти инспекциските служби нема да се користат за репресија и притисок врз фирмите. 

- Инспекциите не се и не смеат да бидат средства за тортура врз бизнисот, мора да работат исклучиво врз база на законот, и никако поинаку, рече Андоновски.