Американски војник загина во борба во северен Ирак

Еден американски војник загина во борбите во близина на Ирбил во северен Ирак, изјави денеска американскиот министер за одбрана Еш Картер.

- Војникот го загубил животот во борба. Тоа е мошне тажна загуба, изјави Картер за време на посетата на Штутгарт, каде се наоѓа заради консултации со своите европски сојузници. 

Картер не изнесе детали за загинатиот американски војник, но напомена дека инцидентот се случил во близина на Ирбил. 

Коалцијата, предводена од САД, која во Ирак се бори против Исламска држава, соопшти дека војникот загинал од непријателски оган.