Американски медиуми: Најмалку три жртви во железничката несреќа во Њу Џерси

Медиуми во САД јавуваат за најмалку тројца загинати и речиси 100 повредени откако патнички воз удри во железничка станица во Хобокен во Њу Џерси во време на утрински метеж.

Според првични нформации на медиумите, станува збор за човечка грешка при давање информации до машиновозачот од контролата на железничкиот сообраќај.

Несреќата се случила во 8.30 по локално време. Терминалот во Хобокен е транзитно средиште за луѓе од Њу Џерси кои секојдневно патуваат во Њујорк.