Александар Тарабунов е луд по Едина Муса

Во друштво на најблиските соработници и пријатели, Александар Тарабунов го промовираше видеото за темата “Луд сум по тебе” која е комплетно авторско дело на Роберт Билбилов.

– Кога работата е во прашање јас сум голем перфекционист. Долго време разговаравме со Роберт и се мислевме која песна да ја екранизираме со видео. Изборот падна на “Луд сум по тебе” затоа што е брза и динамична и баш одговара за овој период од годината. Јас лично посебно сум врзан со оваа тема и ми е една од поомилените, а знам и дека публиката го дели истото мислење со мене, рече Тарабунов на промоцијата.

Видеото, пак, е дело на Зоран Стојановски – Зонде, а главната улога во кадрите ја има кошаркарката Едина Муса која одлично се снајде во улогата на секси заводничка од 50-те години.

– Идејата за спотот беше на Тара, дојде кај мене со неа, а јас само ја доработив. Можам да кажам дека тој е голем уметник и чест ми е што соработуваме заедно, потенцираше режисерот.