20 ГОДИНИ НЕОТЕЛ: Прослава на две децении пионерство во телекомуникациите

Вчера во Музејот на современа уметност во Скопје, НЕОТЕЛ ја прослави својата 20-годишнина заедно со своите клиенти, соработници и вработени кои придонесоа за успехот на компанијата. Настанот беше одбележан со одличен настап на бендот „Фолтин“ како и пригоден говор од директорот Даме Цветковски, кој ги потенцираше клучните моменти од историјата на компанијата.

„Во текот на целата своја историја, НЕОТЕЛ беше пионер во освојување на ИКТ технологиите, применувајќи IP телефонија, фиксен безжичен интернет преку WiMAX и IP телевизија, тогаш технологии во зачеток, правејќи секогаш чекор пред времето. Иновативноста и истражувачкиот дух беа резултат на ентузијазмот и компетентноста на тимот на НЕОКОМ и академските професори“ изјави директорот. Тој исто така го нагласи значењето на вработените и основачите на компанијата, кои со својата визија и посветеност го поставија патот кон успехот. 

Во своето обраќање, господинот Цветковски додаде: „Од самиот почеток, моторот на нашата компанија беа млади инженери кои ги заменија универзитетските клупи со канцелариски бироа, компјутери, мрежна и комуникациска опрема. Тие се развија во извонредни професионалци и денес, со истиот ентузијазам како и тогаш, продолжуваат да работат со страст и посветеност.“

Настанот ја потенцираше долгогодишната посветеност на НЕОТЕЛ кон иновации, високи стандарди и професионализам, вредности кои остануваат клучни и за годините што следат.

Како дел од одбележувањето на 20-годишниот јубилејот, НЕОТЕЛ подготви специјална понуда за сите домашните корисници, 50% попуст на сите пакети во првите 12 месеци, како и бесплатен HBO пакет за првите 6 месеци. За повеќе детали проверете на www.neotel.mk