11-годишно дете почина од Ковид-19 во Хрватска

Единаесет-годишно дете починало рано наутро од компликации од Ковид-19 во Клиниката за инфективни болести д-р Фран Михалевиќ во Загреб, пишува хрватскиот весник „Јутарњи лист“.

Според информациите од болницата, детето немало претходно потврдени болести и дека било позитивно на Ковид-19.

 Со обдукцијата ќе се утврди точната причина за смртта, но според информациите со кои располагаме во моментов, детето завчера добило висока температура, имало болки во грлото, главоболки и малаксаност, што е вообичаена крвна слика. За жал, во 5.20 утринава е прогласена смрт, изјави проф. д-р Горан Тешовиќ за „Јутарњи лист“.

Тој напоменува дека вакви исходи се многу ретки, но, за жал, може да се случат.